في شقة احمد قعدت رانيا على الكنبة و هي حطه ايديها على قلبها و قالت: الحمد لله يارب، الواحد حس أن آخر يوم في عمره النهاردة. احمد سجد سجدة شكر و قال: الحمد لله،عدت على خير.. رانيا: أحمد احمد: نعم. رانيا: النهاردة، اليوم كان صعب اوي، و مفاهيم كتير اتغيرت عندي،انا اسفة يا احمد على كل اللي حصل مني، كنت شايفة أني صح لما احاول أصلح بين صاحبتي و جوزها،عمري ما شوفت نظرات عمرو ليا،كنت فاكرة أنه صاحب اصيل ليك، سامحيني يا احمد و اوعدك مش هيكون ليا اي علاقة بحد و مليش دعوة بمشاكل حد تاني .
قعد جنبها و رتب على كتفها و قال بحنان: بطلي تلومي نفسك، انتي غلطتي و عرفتي غلطتك، كلنا بنغلط بس الشاطر اللي يتعلم من الغلط و يتوب، انا كنت زمان متحرر و شايف ان كل حاجه متاحة بس بعد ما قربت من ربنا عرفت أن حاجات كتير كانت غلط ،علشان كده منعتك عن الكلام مع عمرو ،علشان بحبك و خايف عليكي. رانيا بحب : و أنا بحبك اوي يا احمد احمد : حبيت قلبي ،و على فكرة أنا سمعت عن دكتور مشهور، أن شاء الله نروح و نشوف الدنيا و يمكن ربنا يكرمنا بطفل.
اتجمعت الدموع في عيون رانيا و قالت: يارب، نفسي اكون ام و شكرا ليك يا احمد انك اتحملت تعيش معايا سنين و أنا مش بخلف،مع أن طلبت منك كتير تتجوز عليا.. مسك ايديها و قال بحب: انا بحبك و عايزك تكوني أم ولادي. رانيا: يارب يا احمد اجيب طفل يكون شبهك في كل حاجه.. /////////(( في المستشفى
شاف مروان خبر عن الشركة و أنها اته.دت و صاحبه سعد تحت الأنقاض،قال مروان : الحمدلله يارب، الحمد لله اني مشيت من هناك، لو كنت فضلت كنت زماني ميت معه، شوفت مو.تك عاملة ازاي يا سعد اللي ناس عاشته في البحر ،أنت كمان عشته ،ربنا يرحمك و يغفر له و يسامحك على اللي عملته في الشباب.. جاه الدكتور و هو يبتسم و قال: اخبار حلوة يا استاذ مروان مروان وشه نور و سال: خير ان شاء الله طمنيني يا دكتور..
الدكتور: التحاليل مبشرة و أن شاء الله يا يوسف هعيش حياتي زي كل اللي قده في السن. سجد مروان سجدة شكر و قال بدموع: الحمد لله يارب، لما سبت الشغل ده ربنا عوضيني خير و جبر قلبي بشفا ابني.. دخل مروان على اوضة ابنه و مراته علشان يفرحهم بالخبر ده… و الفرح مليئة قلبه و يحمد ربه أن ترك الفلوس الحرام و ربنا عوضه بشفا ابنه. /////////// عند عمرو كان بيصارع المو.ت تحت و هو في قلب عربيته وقع عليه شجرة ، بصعوبة طلع تلفيونه ،و طلب رقم سها،اللي ردت بعد كم مرة: عايز ايه؟
قال عمرو بصوت متعب: أنا اسف يا سها سالت سها :أنت مالك صوتك؟ في ايه؟ عمرو بحزن: سها سامحني، أنا بمو.ت و خايف من لقاء ربنا و عارف اني عملت ذنوب كتير ،بس نفسي تسامحني. صرخت سها بصدمة و هو يقول: أنت بتقول ايه يا عمرو ،تمو.ت ازاي ايه اللي حصل؟؟ نزلت دموع عمرو و قال: انا كنت أعمي يارتني كنت شوفتك على حقيقتك، سها انا مش جاهز للقاء ربنا، خايف اوي من عذاب القبر..
و انقطع الخط و مات عمرو و سها كانت لسه في الشقة قعدت على الأرض و انهارت من العياط و قالت: ربنا يرحمك يا عمرو و يسامحك على كل عمايلك، فوقي يا سها ،انتي لازم تبدي من جديد و تنسي اللي حصل معاكي انا ظلمت نفسي لما كملت مع عمرو و هو شخص نرجسي و اناني و مش شايف الا نفسه ،الحمد لله أن ربنا نجاني من عمرو، الواحد كان في لحظة ممكن يمو.ت ، الحمد لله الزالزل ده كان انذار للكل
///////////// في بيت ابراهيم سعد بصوت عالي: انت غيرت كلامك ليه يا ابراهيم إبراهيم: انت لسه بتسال ، العمر للحظة ،و انا مش حمل اشيل على ضهري ذنب كبير زي ده سعد: احنا هنخيب و لا ايه، اللي قبلنا قالوا مفيش بنات تورث إبراهيم: بس الكلام ده حرام، راجع نفسك يا سعد الدنيا مش مستاهلة. سعد: ياريت انت اللي ترجع نفسك علشان اللي حصل النهاردة كان أنذار،ربنا يهديك يا ابن ابويا.. //////////// بعد خمس شهور
في شقة سليم كان راجع سليم من الشغل و معه ورد و هدية غالية ل سلمى و لعبة ل محمد،جري محمد على سليم و قال: بابا. شاله سليم و قال: حبيب بابا ،عامل ايه؟ محمد : الحمد لله سليم: شوف بابا جابلك لعبة حلوة. شاف محمد اللعبة و قال: شكرا يا بابا،ممكن العب بيها. سليم: طبعا يا حبيبي دخل محمد اوضته و خرجت سلمى من المطبخ و قالت: حمد لله على السلامه سليم: الله يسلمك يا حبيبتي
مد أيده بالبوكيه و قال بحب::اتفضلي يا حبيبتي. ابتسمت و قالت: و ده ليه سليم: علشان تسامحيني سلمي: سامحتك يا سليم علشان أنت من وقتها و أنت تعتذر ليا على اللي حصل ،خلينا نبدأ من جديد… سليم: بحبك.. و بعد يوم الزلز.ال كانت أول مرة سلمى تقول: و انا بحبك رقص سليم من الفرحة أن سلمى قبلت تسامحه.. ////////////////// في شقة احمد قاعد احمد و رانيا متوترين و عينهم على التلفيون ،و مستنين رسالة من المعمل تقول نتيجة اختبار الحمل.
احمد: أن شاء الله خير ، و اي كان النتيجة احنا راضين رانيا: الحمد لله على كل حال.. سمعوا صوت الرسالة و اللي كانت إيجابية،سجد احمد سجدة شكر و رانيا انهارت من العياط ،حضنه و قال: الحمد لله يا رانيا، يارب يكمل فرحتنا على خير رانيا بدموع: يارب.. ///////// في شقة ابراهيم كانت متجمع ابراهيم مع سعد و سماح اللي قالت: ربنا يبارك فيكم يا اخواتي ،انا كده خدت حقي و زيادة.. إبراهيم: ده حقك، و احنا غلطنا في البداية و دلوقتي نصلح الغلط و تاخدي حقك …
سعد بندم: سامحيني يا اختي أنا كنت في غفلة و الحمد لله فوقت.. سماح بحب: انا مليش غيركم بعد ربنا، ربنا يحفظكم من كل شر.. ////////// عند مروان كان اشتغل في شركة جديدة و بدأ حياة جديدة بالحلال.. و سها بدأت حياتها من جديد اشتغلت و ربنا كرمها بالزوج الصالح، بس علاقتها مع رانيا في أضيق ال حدود بعد اللي حصل الزالزل كان انذار في اللي فاق و راجع نفسه و في اللي مكمل على طريق الشيطان، باب التوبة مفتوح ،بس المشكلة ها تلحق تتوب أو لا.
و تمت و ليس للحديث بقية رايكم يا حلوين بعد القراءة ♥️ 🥰 #زلز.ال #قصة_كاملة #روايات_بقلم_منال_كريم ♥️♥️♥️♥️♥️♥️♥️♥️♥️ سبحان الله وبحمده سبحان الله العظيم استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير اللهم صل وسلم وبارك على سيدنا محمد لا حول ولا قوه الا بالله العلي العظيم لا اله الا انت سبحانك اني كنت من الظالمين ♥️♥️♥️♥️ ♥️♥️♥️♥️♥️♥️
